Mañán luns, 23 de decembro, ás 10 horas, o Centro de
Formación e Cultura Gastronómica de Hostelería Compostela acolle a presentación
da proposta técnica de Hostelería Compostela para a xestión da nave 5 da
Praza de Abastos cun proxecto gastronómico e cultural deseñado por un
equipo multidisciplinar formado por empresarios, economistas, arquitectos,
técnicos de turismo, cociñeiros, enólogos, xefes de sala, expertos en
marketing, xornalistas, bloggers e profesionais do audiovidsual.
Trala presentación do anteproxecto ao
Concello de Santiago e á cooperativa da Praza de Abastos, Hostelería Compostela
vai comunicar este vindeiro luns aos seus asociados a súa proposta para a
xestión da nave 5 da Praza de Abastos de Santiago, cun proxecto gastronómico
baseado no produto do mercado e pensado para a dinamización de Compostela a
nivel turístico, hostaleiro, comercial e cultural, contribuíndo tamén a
proxectar e consolidar Santiago como destino de turismo gastronómico nacional e
internacional.