A
Consellería do Medio Rural e do Mar vén de realizar un investimento de 280.000
na construcción da estación marítima do municipio pontevedrés de Baiona. O novo edificio que se atopa xa en funcionamento para o transporte de pasaxeiros pola
ría.
A superficie total da estación
marítima é de case 300 metros cadrados construídos. Conta con 3 taquillas, unha
zona pública de 17 metros cadrados, cafetería, almacén e aseos adaptados. Así
mesmo ten unha rampla de acceso e unha terraza de 40 metros.
O edificio, cofinanciado con fondos
Feder da Unión Europea, consta dunha soa planta, de xeito que se integra con
maior facilidade no entorno portuario. Ademais, está forrado en madeira, para
acoplarse á estética da fachada marítima de Baiona, na que conviven diferentes
usos portuarios como o pesqueiro, náutico recreativo e transporte de pasaxeiros.
Esta obra é unha mostra da aposta da
Consellería do Medio Rural e do Mar, a través de Portos de Galicia, polo
transporte de ría, como forma de transporte sostible que pode complmentar ao
terrestre en usos non só lúdicos, senón tamén profesionais. De feito, o ente
público está a impulsar unha rede de estacións marítimas que supoñan o soporte
infraestrutural para ampliar o mapa de tráficos de pasaxeiros polas rías
galegas.