O prezo do leite en Galicia
aumentou nos últimos meses de maneira continuada e a un ritmo maior que no
resto de España, o que significa que se reduciu o diferencial que existe co
conxunto do Estado, segun dastacou o secretario xeral de Medio Rural e Montes, Tomás
Fernández-Couto, quen reitera o compromiso do
departamento que dirixe Rosa Quintana de seguir traballando co Ministerio de
Agricultura, Alimentación e Medio Ambiente na procura de solucións á situación
do sector lácteo en Galicia, sendo nestes momentos prioritario a inclusión recoñecer os custos de produción como un elemento fundamental
de construción de prezos ao proxecto de Lei de mellora do funcionamento da
Cadea Alimentaria.
Neste senso, o secretario xeral explicou que as
reunións que a Xunta está a manter cos representantes do lácteo (gandeiros,
distribución e industria) céntrase precisamente na mellora da cadea de valor do
leite. Así, Fernández-Couto subliñou que, en canto ás medidas adoptadas polo
departamento autonómico, estase a reforzar as medidas de control, especialmente
na industria e na distribución, para detectar prácticas como a venda a perdas
que poderían estar realizando algúns distribuidores e que dificultan a
construción de prezo. Así como detectar posibles abusos de dominancia do
mercado obrigando á venda por parte dos produtores a prezos que non cubran os
custes de produción.