A Xunta de Galicia fíxose coas naves da
empresa conserveira Alfageme, así como os dereitos sobre a marca Miau, na
subasta celebrada esta mañá no Xulgado Mercantil número 3 de Pontevedra, en
Vigo, co obxectivo de buscar a mellor fórmula para garantir a reactivación da
empresa e a recuperación dos postos de traballo. O Executivo autonómico adxudicouse
as naves da compañía ao non haber ningunha empresa interesada en darlle
viabilidade ao proxecto da conserveira.
O Goberno galego, representado por altos
cargos das Conselleríad de Economía e Industria e Facenda, xunto con dous
letrados funcionarios de asistencia xurídica, foi o único ofertante na poxa das
naves de Alfageme e adxudicouse a propiedade das dúas plantas, Ribadumia e
Vilaxoán, por un total de 560.000 euros (210.000 e 350.000 euros respectivamente).
A marca, na que houbo outro interesado, foi adxudicada á Xunta por 220.000
euros.