A directora-xerente
da Sociedade de Imaxe e Promoción Turística de Galicia-Turgalicia, Carmen Pita, interveu na mesa redonda inaugural da xornada sobre turismo
e gastronomía A cociña galega de autor
como activo turístico, que se celebrou no Hotel Hesperia Finisterre da Coruña.
Ademais de Carmen
Pita, participaron no encontró María Luisa Cid, concelleira de Emprego do
Concello da Coruña; Rafael Benito, director do Hotel Finisterre; Alfonso
Salazar, presidente de ASCEGA; Francisco Agrasar, propietario do restaurante As
Garzas; Luis Veira, xerente e chef executivo do restaurante Árbore da Veira;
Francisco Moar, xerente do restaurante Casa Pena e Tito Fernández, chef do
restaurante Hesperia Finisterre.
Na súa intervención,
a xerente de Turgalicia incidiu nos valores únicos que identifican Galicia como
destino gastronómico como que “temos a maior variedade do produtos do mar do
mundo; máis de trescentas festas gastronómicas que impulsan o sector turístico
e promocionan os produtos con indicación de calidade; contamos con cinco
Denominacións de Orixe Protexida vitivinícolas e con 27 Indicacións Xeográficas
Protexidas; así como con once Estrelas Michelin e 18 Soles Repsol”.