A Xunta de Galicia, a través de Turgalicia, da Secretaría Xeral para o
Turismo presentará a oferta enogastronómica de Galicia e México D.F. no marco
do evento Millésime México 2011,
xunto ás do resto das comunidades autónomas que conforman a marca turística
España Verde -Galicia, Asturias, Cantabria e Euskadi-, ao obxecto de difundir a
gastronomía como un dos atractivos turísticos máis importantes do Norte de
España en América.
Esta é a segunda edición de Millesime en México D.F. despois de celebrarse
en cinco ocasións en Madrid e outras dúas na República Dominicana e Brasil. Millesime celébrase no recinto de Expo Bancomer. O evento gastronómico,
destinado a públicos especializados e de prestixio do sector, celebrarase entre
mañá e o día 8 de novembro, na capital mexicana.
Para a promoción da enogastronomía do Norte, España Verde disporá dun espazo no open bar de Millésime México
que compartirán as catro comunidades autónomas que conforman a marca.
Neste espazo, chefs relevantes do panorama gastronómico da España Verde elaborarán a través dun showcooking de alta cociña os seus
mellores pratos relacionados coa gastronomía de cada unha das súas comunidades
autónomas e presentarán unha selección de minitapas
destes pratos. No caso galego, cociñarán os chefs Yayo Daporta, do resturante Yayo Daporta de Cambados, e Alberto G
Prelcic, do restaurante Silabario de
Tui, ambos con estrela Michelin.