A Xunta de Galicia, a través da Secretaría Xeral para o Turismo, colaborará
coa celebración en Madrid do X aniversario do colectivo de cociñeiros galego Grupo Nove para promocionar a cociña
galega na capital de España, segundo o programa do Plan de Enogastronomía de
Galicia, elaborado por este departamento do Goberno autónomo.
O acto, que conta coa colaboración da Secretaría Xeral para o Turismo da Xunta
de Galicia, pretende promocionar a comunidade galega como destino gastronómico
cunha mostra de alta cociña, na que os chefs do Grupo Nove elaborarán en directo ante un auditorio de 300 persoas
os seus pratos máis emblemáticos e no marco do restaurante Teatriz, un antigo
teatro de seis plantas que se converteu nun espazo de referencia en Madrid tras
a reforma realizada por Phillippe Starck nos anos 80, que revolucionou por
completo o concepto de interiorismo.