O parque nacional Illas Atlánticas albergou ao
longo do período xaneiro- outubro unha afluencia de 277.905 visitantes, tanto
por medio públicos como privados. No que se
refire a emprego de transporte público, un total de 229.115 persoas achegáronse
a Cíes, Cortegada, Ons ou Sálvora.
Estes datos trascenderon na última reunión do Padroado do Parque Nacional Illas Atlánticas. O informe, que recolle datos do período comprendido entre xaneiro e outubro do
presente ano, ten como obxectivo ofrecer unha visión de todos os aspectos que
engloba esta área de traballo, tanto datos numéricos de visitantes como
analizar a súa realidade. A partir da análise destes datos estúdanse novas
liñas de actuación a adoptar para garantir a compatibilidade da conservación de
recursos naturais e culturais co goce da área por parte de todos os cidadáns.
O número de
pernoctacións en zonas permitidas do parque durante estes últimos dez meses
ascendeu a un total de 49.774: 35.718 nas Cíes e 14.056 en Ons. A época estival
foi a estación na que se rexistrou maior número de pernoctas, sobre todo nos
meses de xullo e agosto, períodos de vacacións por excelencia.
Por outra banda, os
arquipélagos de Cíes e Ons son os únicos que ofrecen a posibilidade de realizar
rutas guiadas polo persoal do Parque Nacional. Cabe precisar que participaron
un total de 2.715 visitantes en estas rutas.