O Grupo Nove, integrado por 22 restauradores galegos, entre os que figuran
algunhas das principais figuras da gastronomía internacional, aglutinando nada
menos que a oito estrelas Michelín e dous campións
de España de cociñeiros, celebra o seu décimo aniversario cun Showcooking en
Madrid o vindeiro luns 19 de novembro.
O acto, que conta coa colaboración
da Secretaría Xeral para o Turismo da Xunta de Galicia, pretende promocionar a comunidade galega como
destino gastronómico cunha mostra de alta cociña, na que os chefs do Grupo Nove
elaborarán en directo ante un auditorio de 300 persoas os seus pratos máis
emblemáticos e no marco incomparable que é o Teatriz, un antigo teatro de seis
plantas que se converteu nun espazo de referencia en Madrid trala reforma
realizada por Phillippe Starck nos anos 80.