Como empresa nada en Noia, Habelas Hailas Licores estará presente na
iniciativa Vai de Tapas, que arranca esta fin de semana co obxectivo de
dinamizar a hostalería local a partir do produto estrela da vila, o berberecho.
Impulsada pola Asociación de Empresarios
e Comerciantes de Noia Histórica, a iniciativa para escoller a mellor tapa se
desenvolverá durante tres días, 30 de novembro, 1 e 2 de decembro, en 13
establecementos desta localidade, que ofrecerán 22 tapas a un prezo de 1.50
euros. O cliente será o encargado de escoller o gañador final, a través das
súas votacións nas fichas que lles entregarán no propio local participante.