A Xunta,
a través de Turgalicia, vén de organizar un
curso para a especialización dos guías turísticos de Galicia en materia dos
conxuntos botánicos galegos, dentro da estratexia de difusión dos produtos
cabeceira da marca do Turismo de Galicia, concretamente o denominado Ruta da Camelia, no que se inclúen
distintas experiencias turísticas nos xardíns máis emblemáticos da Comunidade
galega.
Con este
curso preténdese que os guías especializados de Galicia poidan adquirir os
coñecementos e destrezas oportunas para ofrecer información turística e
realizar visitas guiadas de calidade, dotadas de contido rigoroso e específico
no que atinxe aos conxuntos botánicos galegos.
Este
curso contará cunha parte teórica e outra práctica, cun total de 32 horas
lectivas. Para a obtención do diploma de curso, será precisa a asistencia a un
mínimo do 80 por cento do total das horas lectivas e superar un test e un
traballo final que acredite o aproveitamento deste.