Axentes do Servizo de Gardacostas de Galicia,
dependente da Consellería do Medio Rural e do Mar, en colaboración con axentes
da Policía Autonómica realizaron un operativo na fronteira con Portugal que se
saldou co comiso de 167 quilos de ameixa por carecer de documentación que amparase
a súa procedencia.
O dispositivo de vixilancia realizouse esta
madrugada nas pontes internacionais de Salvaterra e Tui e consistiu na inspección de distintos tipos de vehículos para
controlar o transporte de marisco por estrada. Neste operativo os axentes comisaron
85 quilos de ameixa babosa e 82 quilos de ameixa xapónica.
Nesta actuación os axentes inspeccionaron un total
de 54 vehículos nos que foron identificadas 142 persoas. Toda a mercadoría
comisada foi destruída por descoñecer a zona na que foi extraída este marisco.