Esta pasada fin de semana pechou as súas portas en Melbourne a exposición audiovisual Memoria de peregrinación. Camiño
de Santiago, Primeiro Itinerario Cultural Europeo, que permaneceu nesa
cidade australiana dende o pasado 18 de outubro. A mostra, que xa itinerara a
Sydney, onde permaneceu entre xullo e setembro deste ano, acadou entre ambas
localizacións máis de dous mil visitantes.
Nas diferentes actividades que integraron o
plan de promoción do Camiño de Santiago no país oceánico colaboraron entre
outras institucións o Instituto Cervantes e o Consulado Español de Sydney, a
Embaixada Española en Camberra, o
Consulado Xeral de España en Melbourne e a Consellería de Educación da Embaixada
Española en Australia.
En Sydney, a mostra situouse no Instituto Cervantes, visitaron a mostra
máis de 1.600 persoas durante os tres meses nos que permaneceu na cidade.
Segundo o xefe de actividades culturais do Instituto Cervantes de Sídney, José Luís Perales, dado o grande interese que
existe en Australia polo Camiño de Santiago moitos dos visitantes mostraron a
súa intención de facer o Camiño e incluso un número significativo deles
apuntáronse con esa intención aos cursos de español do Instituto.