Mañá darán
comezo a “XI Cata dos Meles de Galicia” e a “XV Cata dos Queixos de Galicia” no
compostelá
Centro Integrado de Formación Profesional en Lamas de Abade, como ven sendo
habitual. Este é un certame que como cada ano organiza a Consellería do
Medio Rural e do Mar en colaboración cos consellos reguladores da Indicación
Xeográfica Protexida Mel de Galicia e as catro denominacións de orixe
protexidas queixeiras.
Entre os
días 22 e 27 deste mes, persoal da Consellería do Medio Rural e do Mar visitou
as instalacións das industrias inscritas na Cata, elixindo ao chou unha mostra de
3 envases de mel de cada un dos participantes e unha mostra de 5 queixos, de
cada un dos concursantes.
Os meles
poderán concursar en dúas categorías; a Categoría A, que abarca calquera dos
meles monoflorais (eucalipto, castiñeiro, silveira e breixo) incluídos no
regulamento da IXP Mel de Galicia e a Categoría B, correspondente aos meles
multiflorais.
Os queixos
que se presenten a concurso deberán ter unha maduración, no momento da cata, de
entre 15 e 20 días nos casos do Queixo Tetilla e Arzúa-Ulloa; entre 45 e 60 días
para San Simón da Costa e, no caso do Cebreiro, ter unha maduración mínima de 2
días.