A Xunta de Galicia, a través de Turgalicia, da Secretaría Xeral para o
Turismo, promocionará en Barcelona, entre os días 3 e 11 de novembro,o
campismo e o autocaravaning galegos na feira turística Caravaning 2012 dedicada en exclusiva a este segmento turístico.
Nesta edición, Turgalicia estará neste certame cun stand de 32 metros
cadrados, desde onde se difundirá a oferta turística de Galicia, destacando a
oferta de campismo e autocaravaning, o Turismo de natureza, os recursos
costeiros e tamén os do interior.
Turgalicia difundirá tamén entre os público asistente os valores da marca
do Turismo galego, Galicia, gárdasme o
segredo?, os seus produtos cabeceira, así como as experiencias turísticas
que parten destes.
O stand de Turgalicia en Caravaning
2012 servirá tamén como punto de reunión para os empresarios turísticos
galegos relacionados co campismo e o autocaravaning e os operadores interesados
por esta oferta da Comunidade galega.
Galicia conta na actualidade con máis de 100 instalacións de campismo
distribuídas por toda a xeografía galega.