tapas2.jpg)
A V edición do Santiago(é)Tapas xa ten os seus premiados,
que se fixeron públicos na Festa do Socio 2012 de Hostelería Compostela. A gala
foi na noitiña de onte, no Parador Hostal dos Reis Católicos que acolleu a
centos de hostaleiros que honraron a súa patroa, Santa Marta.
O Primeiro Premio do xurado Santiago(é)Tapas 2012 foi para
Ravioli de boi de mar da Tafona, merecedor de 2.000 euros. O Segundo Premio do xurado recaeu no
“Fish Coffee” de O Curro da Parra, cunha dotación de de 1.200 euros; e o terceiro foi para
Fabas de Lourenzá con setas e algas, do Acio, e o seu galardón é de 1.000 euros.
O Premio Tapa do Público 2012 distinguiu a Crema callada de
castañas con bombón de mirabeles, licor café e mandarina, do Puerta del Camino. O Premio (e)xcelente 2012 foi para El Olivo.
Ademais, na gala destacouse o gran nivel que tivo un
concurso e salientouse a calidade do resto de finalistas que foron: Castelao,
El Pasaje, Manso, Mesón de Lázaro,
Con 72 locais participantes, 117 tapas que superaron a fase
de preselección, case 33.000 creacións consumidas, e case 20.000 votos válidos
emitidos polo público, o Santiago(é)Tapas bateu todos os récords de
participación, público e ventas, con 200.000 euros de negocio xerado entre o 26
de outubro e o 11 de novembro de 2012.