O Instituto Nacional de Estadística fixo
públicos hoxe os datos de ocupación extrahoteleira do mes de setembro para
Galicia. Segundo estes datos, os establecementos extrahoteleiros galegos
rexistraron no pasado mes de setembro un aumento na cifra de viaxeiros dun
7,5%, con 39.561 viaxeiros rexistrados. No tocante ás pernoitas, o aumento na
cifra rexistrada no mesmo período de 2011 foi do 10,7%, con 115.106 pernoitas
contabilizadas nos apartamentos turísticos, acampamentos e casas de turismo
rural galegas. A estadía media neste tipo de aloxamentos tamén se incrementou a
respecto de setembro de 2011 nun 3%.
A categoría que rexistrou un maior incremento
a respecto dos datos recollidos no mesmo período do ano anterior foi a de
apartamentos turísticos, onde o incremento na cifra de viaxeiros supera o 34% e
o aumento na cifra de pernoitas rexistradas é do 32,8%. Pero tamén na categoría
dos acampamentos se incrementaron os viaxeiros nun 5,4% e as pernoitas nun 7%.
O turismo rural mantívose na cifra de viaxeiros nos valores rexistrados o
pasado ano neste mesmo mes pero incremento un 1,7% a cifra de pernoitas
contabilizadas.