A Deputación de
Pontevedra pon en marcha un ciclo de seminarios de intercambio de experiencias, dirixido aos vendedores e responsables de mercados da provincia e un concurso
de receitas, según explicou hoxe en rolda de prensa o presidente provincial,
Rafael Louzán.
A iniciativa
enmárcase nas actuacións de Rías Baixas, Territorio Gastronómico e os
Seminarios Ven ó mercado, englobados baixo o epígrafe Mercados
Municipais, espazos de vida, terán lugar os días 23 no Mercado Municipal de
Vilanova de Arousa; o 24, no de Caldas de Reis; e o 25 de outubro no de Moaña.
Os cursillos serán
impartidos polo Subdirector Xeral de Comercio da Generalitat Valenciana, Juan
Valea, e pola presidenta da Asociación de Comerciantes do Mercado Municipal de
Aldaia (Valencia).
Entre os seus obxectivos figuran o intercambio de
experiencias para vendedores dos mercados municipais; a promoción dos mercados
como lugares con tradición e de confianza; a renovación e dinamización da súa actividade
e oferta comercial; e a necesidade de adaptarse ós cambios das necesidades dos
consumidores e clientes.