![]() |
Diego Calvo e Susana Martínez Galdós presentaron o Cataviño no Consistorio |
Cataviño desenvolverase en horario de tarde
(de 19.00 a 21.30 horas) e contará coa participación de 22 adegas de todo o
país. Haberá “viños aromáticos brancos galegos, tintos suaves ou con moito
corpo, viños premiados e de maceración carbónica, rosados de grande altura,
viños de famosos, cavas exclusivos, etc.”, explicou a concelleira de Festas
ferrolá, Susana Martínez Galdós.
Pola súa banda, o presidente da Deputación
e edil de Turismo, Diego Calvo, sinalou que se porán á venda unhas tarxetas a
un prezo de sete euros que darán dereito a realizar sete consumicións. Ademais,
haberá actividades paralelas como unha cata cega e actuacións musicais.