“Recoñecer o tesón de dúas destacadas
mulleres que sobresaen en ámbitos diferentes grazas á constancia no traballo e
ao afán de superación” é, a xuízo da alcaldesa de Sanxenxo, a razón principal
pola que o vindeiro martes se entregarán as Cebolas de Ouro á cociñeira e
copropietaria do Hotel Rotilio, Manicha Bermúdez (foto), e á medallista
olímpica Támara Echegoyen. “No caso de Manicha –di a rexedora- consideramos que
é de xustiza outorgar este galardón a unha persoa discreta pero destacada
dentro e fóra das nosas fronteiras, que logrou situar a Sanxenxo no mapa
gastronómico nacional e internacional empregando sempre a calidade como
expoñente do seu bo facer”. Catalina González destacou, ademais, “o mimo e o
respeto co que reinterpretou a cociña tradicional, a herdanza dos seus pais nun
negocio familiar que é un emblema da vila de Sanxenxo”.
Ante a concesión da Cebola de Ouro, a
cociñeira di sentir “un agradecemento moi grande”. Bermúdez adicará a
distinción á súa nai, Carmen Pose, e fará extensiva a homenaxe a todas as
mulleres de Sanxenxo que historicamente estiveron á fronte das cociñas dos
hoteis do municipio.