A localidade de Sarria é, este luns, a parada da xira promocional que Galicia Calidade está a realizar en Galicia para dar a coñecer os produtos galegos de calidade. Tras o seu exitoso paso por outras vilas lucenses, o autobús de Galicia Calidade achega este luns toda a información sobre as empresas asociadas a este selo de garantía aos veciños de Sarria. Mañá martes desprazarase ao Barco de Valdeorras para volver o mércores á provincia de Lugo, concretamente a Ribadeo.
O autobús dará o salto á provincia da Coruña o catro de setembro, desprazándose entón á vila de As Pontes, e á de Pontevedra o día quince, para achegarse aos veciños de Lalín. A xira rematará o 29 de setembro na localidade de O Porriño.
O obxectivo da campaña, que chegará ao seu remate a unhas 35.000 persoas, é promover por medio de exhibicións e obradoiros de cociña, os produtos de calidade galegos. Na actualidade son máis de 150 os produtos e servizos acollidos, pertencentes a un total de 44 empresas.