A cuarta tempada do programa Km0, impulsado
pola Deputación de Lugo co obxectivo de aproveitar a potencialidade do medio
ambiente para xerar riqueza na provincia, chegou este martes ó seu remate, superando
os 35.700 participantes dende 2008. O proxecto xerou, segundo a Deputación, un
volume de negocio de preto de 1,5 millóns de euros dende a súa posta en marcha.
Deles, un total de 1,1 foron beneficios directos para as preto de 250 empresas
colaboradoras, todas PEMES e autónomos, que dan emprego directo a preto de
1.400 persoas en sectores estratéxicos da economía lucense, como son a
hostalería, o comercio, a artesanía ou o turismo, dinala a Deputación.
Nesta cuarta tempada estreouse tamén a
variante Km0 Fin de Semana, coa que o organismo provincial pretende abrir o
abano de público participante e cubrir as peticións das máis de 7.600 persoas
que había á espera de facer unha ruta. De xeito paralelo, nesta edición tamén
se potenciou o Km0 en inglés, é dicir, o mesmo programa de rutas, pero con
guías neste idioma, especialmente dirixido para persoas que queiran practicar o
inglés.