Olladas no Camiño en Belmonte

A  S.A. de Xestión do Plan Xacobeo organiza na localidade portuguesa de Belmonte  a exposición fotográfica Olladas no Camiño de Santiago. A exposición está organizada polo Xacobeo xunto coa Asociaçao de Espaço Jacobeus e a Cámara Municipal de Belmonte e pode visitarse na Igrexa de Santiago desa localidade ata o día 19 de agosto.
A mostra Olladas no Camiño de Santiago, que xa itinerou por diferentes cidades de diversos países, está en Portugal formando parte dun plan de promoción do Camiño de Santiago nese país, para o que conta con dúas copias que percorren simultaneamente localidades do territorio continental portugués e dos seus máis importantes arquipélagos. 
Mentres a primeira estivo xa en Barcelos e Oliveira de Azemeis e irá  por Valença do Minho ou Vila Verde tras esta estancia en Belmonte, a outra copia exhíbese nas Illas Azores, onde se inaugurou en Ponta Delgada o 8 de maio, tralo que prosegue por Ribeira Grande, Lagoa, Illa da Terceira, Illa do Pico e Illa do Faisal.  A continuación trasladarase a Madeira.