CompHostelería céntrase na vertente turística de Santiago


A portada volve ser obra
de Andrea López

Este xoves preséntase, no Espazo Enogastronómico dos Camiños de Santiago, o novo número da revista CompHostelería que leva por título “Santiago é Turismo”. No acto, a asociación de hostaleiros da comarca de Compostela contará coa presenza de Víctor Manuel Vázquez Portomeñe, que é o protagonista da sección “Na barra con…”. 

Ao remate da presentación, nun dos momentos do ano de maior afluencia de peregrinos, realizarase unha visita guiada ao punto de atención e información que Hostelería Compostela xestiona no Camiño Francés.