O Centro Cultural “Marcos Valcárcel” da Deputación de Ourense acolle esta tarde a presentación do proxecto de Internacionalización de empresas, que porá en marcha a Deputación de Ourense a través do Inorde co obxectivo de apoiar as actuacións en materia de promoción da internacionalización das empresas pertencentes ao Polígono Industrial de San Cibrao das Viñas, Parque Tecnolóxico, e aos parques empresariais de Barreiros e Pereiro de Aguiar. No acto, o presidente da Deputación, Manuel Baltar, e os presidentes destes entes empresariais asinarán un protocolo de colaboración.