Falece Alfonso Sucasas, autor do primeiro logotipo de Galicia Calidade

(Foto: Galicia Calidade)

O pintor Alfonso Sucasas faleceu este martes no seu domicilio de Vila de Cruces aos 72 anos de idade. Considerado un dos máis persoais e intimistas creadores galegos, foi autor da primeira imaxe identificativa de Galicia Calidade. O propio organismo lémbrao así nas redes sociais: “Así naceu Galicia Calidade en 1991, a partir dunha obra de Alfonso Sucasas. Hoxe despedimos ao seu autor, considerado o último gran clásico da pintura galega”. Para todos quedará na memoria a cuncha de vieira coa que se identifica aos produtos de calidade galegos.