Un dos establecementos de restauración
punteiros da capital de Galicia, o Abastos 2.0, convídanos a gozar este serán
dunha experiencia especial. Baixo o título “Abastos con licenza para catar”
englóbase unha xornada de tertulia e maridaxe “subxetivo” de xantares, viños e
música.
Os viños serán o Eloi Lorenzo (D.O.
Ribeiro), o Pago de Xoan (Rías Baixas) e o Toalde (Ribeira Sacra). A cociña
correrá a cargo do propio establecemento e a música chegará da man de Cardigan
Bridge. Todo elo no galpón do Abastos, a partir das 21.00 horas e cun prezo por
persoa de 10 euros.