 |
| Imaxe da visita ás instalacións |
A Secretaría Xeral para o Turismo encargou
un Plan de Usos Turísticos cuxa Fase Cero se porá en marcha de xeito inmediato.
A fase que agora se inicia ten un prazo de execución de dous meses aproximadamente
e pretende asegurar a satisfacción dos visitantes e garantir a seguridade da
visita. Unha vez rematadas as obras, e como
parte da mellora, contratarase unha empresa que realizará servizos de
vixilancia, mantemento, información e recepción dos visitantes ao Castelo que a
partir dese momento estará aberto durante os sete días da semana. A empresa
comezará a desenvolver estas tarefas no conxunto defensivo a partir do día 1 de
xullo.
A secretaria xeral para o Turismo, Carmen
Pardo, anunciou tamén que de cara ao verán trabállase na organización dunhas
Xornadas de Recreación Histórica no Castelo de Monterrei, que estarán organizadas
pola Asociación Histórico-Cultural Poland First to Figh e a Asociación de
Recreadores. Tratarase dunha fin de semana na que se reunirán nas inmediacións
do conxunto defensivo grupos de recreacionistas de toda España para mostrar a
evolución histórica da sociedade.