O Concello de Pontevedra acordou, na última
reunión do Consello Aberto da Feira Franca, adicar a edición deste ano da festa
aos xogos populares. A edición de 2012 terá lugar os días 1 e 2 de setembro e
adicará un apartado especial “aos variados, entretidos e divertidos xogos
populares da terra”. Tamén fará unha homenaxe ao pontevedrés José Casal, do que
se cumpren 100 anos do seu pasamento. Precisamente, Casal fixo, a principios do
século XX, un traballo de investigación sobre os xogos populares en Pontevedra.
Tamén se acordou durante a reunión manter “o
nivel de calidade da festa” polo que existiu o compromiso de facer un traballo “exhaustivo”
para seguir mantendo os estándares de calidade co fin de que non decaia ese
nivel. (Foto: arquivo)