A S.A. de Xestión do Plan Xacobeo e a Fundación Repsol asinaron un convenio de colaboración para a plantación de árbores autóctonas nos Camiños Francés e Portugués. A primeira fase dos traballos iniciouse nun dos tramos da ruta francesa, de tres kilómetros de lonxitude, onde se plantaron principalmente loureiros (foto). A seguinte actuación terá lugar o vindeiro día 25 en Caldas de Rei, onde se plantarán carballos e castiñeiros nun tramo do Camiño Portugués.O obxecto destas plantacións de árbores autóctonas é “formar pantallas vexetais de xeito que palíen o impacto visual das estradas próximas aos Camiños, ao tempo que serven de protección aos peregrinos”, sinala o Xacobeo.