A Cidade da Cultura de Galicia amplía aos domingos de setembro e outubro o programa Visitas Máxicas ante a excepcional acollida desta actividade, na que se cubriron sempre todas as prazas. Dirixida a un público familiar, a través desta iniciativa os participantes descobren os edificios e espazos do Gaiás da man de magos e ilusionistas. Aínda que inicialmente estaba previsto que rematasen o pasado domingo, as visitas continuarán tamén os domingos 4, 11,18 e 25 de setembro, así como os días 2, 9, 16, 23 e 30 de outubro. Estas visitas, que se celebran ás 12,00 e ás 18,00 horas, son de balde, aínda que é preciso reservar praza na web www.cidadedacultura.org. Existe un máximo de 30 persoas por grupo.
Coa axuda dos magos Vituco, Martín Camiña ou Romarís e guiados polo excéntrico presentador de circo François Lafayette (alter ego do mago Cayetano Lledó), os participantes percorrerán a Cidade da Cultura, nun ruta sorprendente con números de escapismo, de levitación ou de multiplicación de obxectos que farán da súa visita ao Gaiás unha experiencia inesquecible.
Coa axuda dos magos Vituco, Martín Camiña ou Romarís e guiados polo excéntrico presentador de circo François Lafayette (alter ego do mago Cayetano Lledó), os participantes percorrerán a Cidade da Cultura, nun ruta sorprendente con números de escapismo, de levitación ou de multiplicación de obxectos que farán da súa visita ao Gaiás unha experiencia inesquecible.