A secretaria xeral para o Turismo, Carmen Pardo, presentou en Meis (Pontevedra) o primeiro Centro BTT (Bicicleta Todo Terreo) de Galicia, posto en marcha co apoio dos concellos de Meis, Ribadumia e Cambados. Este é o primeiro centro dunha rede que estará situada estratexicamente no territorio galego co obxectivo de fomentar a práctica deportiva da bicicleta de montaña e o contacto coa natureza.
Un centro BTT defínese como un produto turístico destinado a promover a bicicleta de montaña. Consta dun espazo de acollida e información, onde se ofrecen servizos como o de alugueiro de bicicletas, servizo de limpeza, vestiarios ou duchas, así como información específica das rutas turísticas da zona na que está implantado.
Nesta presentación do centro BTT do Salnés, a secretaria xeral para o Turismo salientou a transcendencia desta instalación para “a posta en valor do patrimonio natural e cultural e o coñecemento do medio rural”, ademais da importancia da bicicleta de montaña como produto turístico en si mesmo. Polo que respecta aos novos centros, Carmen Pardo, referiuse a que antes de que remate o ano 2011 estará definido o emprazamento do segundo centro BTT de Galicia, e o terceiro, no ano 2012.
Un centro BTT defínese como un produto turístico destinado a promover a bicicleta de montaña. Consta dun espazo de acollida e información, onde se ofrecen servizos como o de alugueiro de bicicletas, servizo de limpeza, vestiarios ou duchas, así como información específica das rutas turísticas da zona na que está implantado.
Nesta presentación do centro BTT do Salnés, a secretaria xeral para o Turismo salientou a transcendencia desta instalación para “a posta en valor do patrimonio natural e cultural e o coñecemento do medio rural”, ademais da importancia da bicicleta de montaña como produto turístico en si mesmo. Polo que respecta aos novos centros, Carmen Pardo, referiuse a que antes de que remate o ano 2011 estará definido o emprazamento do segundo centro BTT de Galicia, e o terceiro, no ano 2012.