Vigo acolle este domingo unha nova edición do mercado de produtos tradicionais galegos que se celebrará no Paseo de Alfonso de Vigo. Unha das novidades nesta edición é o inicio da promoción e venta de aceite de oliva galego, neste caso da marca Aceiroga, elaborado en Quiroga (Lugo), terra na que se ten documentado a produción de aceite dende o século XV.
Ademais, os produtos ecolóxicos de horta chegarán de Ponteareas e o Grove da man das firmas Condado Bio e Finca Con da Santa, respectivamente. Os queixos serán estrelas da feira coa presencia de tres produtores: a tetilla con D.O. Arzúa-Ulloa de Queserías Daniel Torres, os queixos con leite de cabra da Cooperativa "Como Cabras" de Castro Caldelas coa súa marca Touza Vella; e os de Cabras do Xures, que elabora queixos artesanais biolóxicos con leite de cabra alpina, sal e sen ningún aditivo.
Completarán o espazo o pan ecolóxico de Panadería Divina, traído todos os meses dende Santiago expresamente para a feira; os ovos e pitos Soutodeherville, produtores da galiña de Mos; a cor das plantas e flores do centenario viveiro vigués J. Flores, así como Diego o pulpeiro, o viño ecolóxico de Valdeorras e D.O. Ribeira Sacra, servido en cuncas tradicionais de Bonxe e Gundivós.
Completarán o espazo o pan ecolóxico de Panadería Divina, traído todos os meses dende Santiago expresamente para a feira; os ovos e pitos Soutodeherville, produtores da galiña de Mos; a cor das plantas e flores do centenario viveiro vigués J. Flores, así como Diego o pulpeiro, o viño ecolóxico de Valdeorras e D.O. Ribeira Sacra, servido en cuncas tradicionais de Bonxe e Gundivós.