O Pazo de Meirás abrirase ao público catro días ao mes e de xeito gratuíto desde o vindeiro 25 de marzo, tal e como establece o convenio asinado entre a Consellería de Cultura e Turismo e os propietarios deste Ben de Interese Cultural o pasado 24 de febreiro. O Pazo de Meirás abrirá os venres en horario de 11 a 14 horas pola mañá e de 15 a 18 horas pola tarde.
Haberá visitas guiadas gratuítas, en galego ou en castelán, para grupos de 15 persoas, cunha duración aproximada dunha hora. Os visitantes deberán pasar un control de seguridade á entrada e poderán completar o percorrido que se estableceu tendo en conta a súa declaración como Ben de Interese Cultural e respectando a intimidade das estancias de uso privado sen interese artístico ou histórico.
Haberá visitas guiadas gratuítas, en galego ou en castelán, para grupos de 15 persoas, cunha duración aproximada dunha hora. Os visitantes deberán pasar un control de seguridade á entrada e poderán completar o percorrido que se estableceu tendo en conta a súa declaración como Ben de Interese Cultural e respectando a intimidade das estancias de uso privado sen interese artístico ou histórico.