Emigración convoca axudas para a formación sobre cociña galega

O Diario Oficial de Galicia publica unha resolución da Secretaría Xeral da Emigración pola que se establecen as bases reguladoras do desenvolvemento de seminarios de baile e música, obradoiros artesanais, e cociña galega, en colaboración coas entidades galegas do exterior, na súa convocatoria para o ano 2011.

Para a concesión das axudas previstas na disposición destínanse 90.000 euros, de fondos da Comunidade Autónoma, se ben se contempla a posibilidade da súa extensión. Poderán ser beneficiarias destas subvencións as entidades galegas que teñan recoñecida a galeguidade, ou ben a súa condición de centro colaborador, así como a unión ou agrupación de varias delas.