A Consellería do Mar doou nas súas últimas entregas 1.353.000 unidades de ameixa xaponesa e de ameixa babosa ás confrarías de pescadores de Baldaio, Vilaboa e Arcade co obxectivo de impulsar a rexeneración dos seus bancos marisqueiros. Os exemplares foron dispostos para o seu engorde na Lagoa de Baldaio, na Praia Río Maior de Vilaboa e na praia do Estralo de Arcade, de xeito que no verán de 2012 obterán a talla comercial óptima para a súa venda.
Toda a ameixa procede do criadeiro que a Consellería do Mar posúe en Camariñas, onde se produce semente pequena que se entrega ás confrarías cunha talla coa que pode cultivarse acadando uns resultados óptimos. Deste xeito, garántese o éxito do seu cultivo e que as mariscadoras poidan manexalas con maior facilidade.
Toda a ameixa procede do criadeiro que a Consellería do Mar posúe en Camariñas, onde se produce semente pequena que se entrega ás confrarías cunha talla coa que pode cultivarse acadando uns resultados óptimos. Deste xeito, garántese o éxito do seu cultivo e que as mariscadoras poidan manexalas con maior facilidade.