A Dirección Xeral de Xuventude e Voluntariado vén de organizar un programa de actividades de lecer e tempo libre no medio natural orientado á mocidade, que se desenvolverá durante as fins de semana de outono e inverno. Os mozos e mozas de 18 a 35 anos poderán gozar da práctica de BTT, tiro con arco, corda tirolesa, iniciación ao rapell, orientación, xogos tradicionais, dinámica de grupos, recoñecemento de estrelas, orientación nocturna, rutas de sendeirismo, obradoiros de recoñecemento fotográfico da paisaxe e de construcións, entre outras actividades.
O prezo será de 75 euros e incluirá o aloxamento no albergue xuvenil de Gandarío, manutención completa durante a estadía -de tres días e dúas noites- o material preciso para desenvolver as actividades e o asesoramento dun monitor. Haberá descontos para os posuidores do carné xove. O programa, denominado “Invernízate con nós”, conta cun total de 500 prazas, 50 por fin de semana.
O prezo será de 75 euros e incluirá o aloxamento no albergue xuvenil de Gandarío, manutención completa durante a estadía -de tres días e dúas noites- o material preciso para desenvolver as actividades e o asesoramento dun monitor. Haberá descontos para os posuidores do carné xove. O programa, denominado “Invernízate con nós”, conta cun total de 500 prazas, 50 por fin de semana.