A concelleira de Participación Cidadá de Santiago de Compostela, Guadalupe Rodríguez avanzou a celebración dun curso, en dúas quendas, de cociña tradicional. Realízase en colaboración con Hostelería Compostela. O primeiro turno terá lugar os días 2, 9, 14, 16, 21, 23, 28 e 30 de decembro de 2010 (martes e xoves); e o segundo os días 11, 13, 18, 20, 25 e 27 de xaneiro e 1 e 3 de febreiro (martes e xoves). En ambos casos, as clases terán lugar de 16:30 a 19:30 horas. O prezo do curso é de 25 euros.
En cada quenda elaboraranse oito menús tradicionais, consistentes en primeiro, segundo e sobremesa. Ao remate da sesión degustarase o menú cociñado esa tarde. Na primeira das convocatorias, en concreto na sesión do día 23, prepararase un menú de Noiteboa, e na clase do 25 de xaneiro cociñarase un menú de Entroido. Os interesados en asistir ao curso poden anotarse persoalmente na Casa das Asociacións ou no mail participacioncidada@santiagodecompostela.org.
En cada quenda elaboraranse oito menús tradicionais, consistentes en primeiro, segundo e sobremesa. Ao remate da sesión degustarase o menú cociñado esa tarde. Na primeira das convocatorias, en concreto na sesión do día 23, prepararase un menú de Noiteboa, e na clase do 25 de xaneiro cociñarase un menú de Entroido. Os interesados en asistir ao curso poden anotarse persoalmente na Casa das Asociacións ou no mail participacioncidada@santiagodecompostela.org.