As setas galegas precisan choiva

Co outono chegan as setas pero os afeccionados á micoloxía están atopando este ano un importante número de fungos deshidratados. A sequía non é boa para as setas, que precisan humidade para o seu desenvolvemento. Por iso os recolectores agardan que chova nas próximas xornadas. O vento frío do norte tampoco é favorable.

Outro dos impedimentos para que os cogumelos broten en todo o seu esplendor é a presenza de maleza nos montes. Os cogumelos presentan formas estrañas porque teñen que buscar a luz entre tanta folla.