A temporada de verán nas Oficinas de Información Turística e Centros Museísticos de Vilagarcía rematou cun cómputo de 11.586 persoas que solicitaron diversos servizos nas instalacións municipais da Praza da Peixería, o CIRA e o Museo do Ferrocarril. A memoria dos meses de xuño, xullo e agosto desvela o incremento de turistas que acoden ó Punto de Información da Praza da Peixería, así como o interese que esperta a Ruta dos Pazos entre os turistas, xa que este ano o número de usuarios foi un 33,3% superior ao rexistrado o pasado verán.
O perfil medio dos turistas que visitan Vilagarcía de Arousa no verán é o de persoas procedentes do territorio español, que elixen Vilagarcía como un dos seus destinos temporais dentro dunhas vacacións máis amplas pola contorna, que chegan en coche e que se aloxan, maioritariamente, en pisos de alugueiro ou casas de familiares. Entre o grupo de turistas estranxeiros, o idioma que máis se escoitou falar este verán en Vilagarcía foi o francés, xa que do país galo procedía o 30,9% dos visitantes doutras nacionalidades. Tras eles situáronse os británicos.
O perfil medio dos turistas que visitan Vilagarcía de Arousa no verán é o de persoas procedentes do territorio español, que elixen Vilagarcía como un dos seus destinos temporais dentro dunhas vacacións máis amplas pola contorna, que chegan en coche e que se aloxan, maioritariamente, en pisos de alugueiro ou casas de familiares. Entre o grupo de turistas estranxeiros, o idioma que máis se escoitou falar este verán en Vilagarcía foi o francés, xa que do país galo procedía o 30,9% dos visitantes doutras nacionalidades. Tras eles situáronse os británicos.