Pontevedra é o escenario escollido para o peche do programa 40 en XCBO coa actuación o vindeiro domingo, día 8 de agosto, de El Sueño de Morfeo, que compartirá escenario con dous grupos galegos. Dende xuño este ciclo percorre as principais cidades de Galicia levando a música dos grupos máis destacados do pop español actual da man de Xacobeo 2010, dentro do Camiño da Música da programación, e a cadea 40 Principales. O domingo rematará con esta nova actuación de carácter gratuíto que se desenvolverá na Praza de España de Pontevedra a partir das 21.30 horas.
Efecto Mariposa, Macaco, Melendi e El Sueño de Morfeo foron os cabezas de cartel de 40 en XCBO, que, co concerto do vindeiro domingo, sumará actuacións en Lugo, Ourense, Santiago e Pontevedra, respectivamente. Asemade, compartiron escenario con grupos e artistas galegos.
Con 40 en XCBO, Xacobeo 2010 reforzou a súa aposta pola promoción dos grupos pop actuais, coa vocación de achegar diversas propostas programáticas de diferentes estilos coa intención de satisfacer as demandas de todos os públicos.
Efecto Mariposa, Macaco, Melendi e El Sueño de Morfeo foron os cabezas de cartel de 40 en XCBO, que, co concerto do vindeiro domingo, sumará actuacións en Lugo, Ourense, Santiago e Pontevedra, respectivamente. Asemade, compartiron escenario con grupos e artistas galegos.
Con 40 en XCBO, Xacobeo 2010 reforzou a súa aposta pola promoción dos grupos pop actuais, coa vocación de achegar diversas propostas programáticas de diferentes estilos coa intención de satisfacer as demandas de todos os públicos.