A maioría dos peregrinos que necesitaron asistencia sanitaria están satisfeitos co trato recibido

A Fundación Pública Urxencias Sanitarias de Galicia-061, a través do Plan de Asistencia Sanitaria ao Peregrino activado para este Xacobeo, atendeu, ata o 30 de xuño, un total de 759 persoas. Segundo indicou a conselleira, Pilar Farjas, o grao de satisfacción é alto xa que o 99,3% dos asistidos consideraron o trato e a información recibida como satisfactorias, bastante satisfactorias ou moi satisfactorias. Ademais, o 97,5% opinou que as características dos locais son adecuadas, e o 95% opinou que estes son accesibles, bastante accesibles ou moi accesibles.

Das 759 persoas atendidas, 402 recibiron asistencia no punto de atención sanitaria da Casa do Deán e 357 achegáronse ao punto de atención do Monte do Gozo. O pico máis alto de peregrinos rexistrouse no mes de xuño.