O Xacobeo achega a Santiago a literatura de viaxes

Xacobeo 2010 presenta o primeiro encontro internacional de literatura de viaxes LITVI 2010, que se celebrará entre o 20 e o 27 de xuño e que forma parte do Camiño da Reflexión da programación deseñada para o Ano Santo.

Este proxecto, enmarcado no Ano do Libro e da Lectura, terá o seu centro en Santiago de Compostela e atraerá ata Galicia a grandes autores, profesionais, editores, axentes literarios e lectores, en xeral, de todas as áreas que rodean un xénero en auxe.

Deste xeito, LITVI 2010, patrocinado polo Xacobeo 2010 e a Xunta de Galicia, nace coa vocación de ser o punto de encontro internacional para a literatura de viaxes.