Colombo, a capital de Sri Lanka, acolle un seminario internacional sobre turismo e xestión hoteleira organizado polo Centro Superior de Hostelería de Galicia, dependente da Consellería de Cultura e Turismo, os próximos días 25 e 26 no Galle Face Hotel. Baixo o título ‘Deseño de programas de formación para poñer as bases para o desenvolvemento do turismo sustentable’, o CSHG organiza este evento que pon fin ao proxecto desenvolvido durante os tres últimos anos para a posta en marcha das escolas de Koggala e Bandarawella, situadas nas provincias Sur e de Uva, respectivamente, con fondos da Axencia Española de Cooperación Internacional para o Desenvolvemento (AECID).
Ao seminario están invitados todos os hoteleiros do país, ademais de representantes das escolas de hostalería, executivos hoteleiros, directores de recursos humanos e representantes políticos responsables do turismo en Sri Lanka. Ademais de técnicos do CSHG, responsables do proxecto, no evento haberá poñentes de diferentes nacionalidades, entre eles a xerente da Sociedade de Imaxe e Promoción de Galicia, Turgalicia, Carmen Pita.
Ao seminario están invitados todos os hoteleiros do país, ademais de representantes das escolas de hostalería, executivos hoteleiros, directores de recursos humanos e representantes políticos responsables do turismo en Sri Lanka. Ademais de técnicos do CSHG, responsables do proxecto, no evento haberá poñentes de diferentes nacionalidades, entre eles a xerente da Sociedade de Imaxe e Promoción de Galicia, Turgalicia, Carmen Pita.