O disco-libro 'Cantigas do Camiño' fai un percorrido musical polas Rutas Xacobeas

Xacobeo 2010 vén de presentar 'Cantigas do Camiño', un completo disco-libro composto por trece cancións interpretadas por artistas galegos e inspiradas no Camiño de Santiago.

O disco pódese adquirir en dous formatos, unha edición que inclúe o disco e un libro de 90 páxinas con textos e ilustracións, e outra, dun prezo máis asequible, que se porá a venda en exlusiva en máis de 400 supermercados da marca Gadis.

Os artistas galegos que participan neste proxecto son Susana Seivane, Faltriqueira, Guadi Galego & Vaamonde, Lamas e Romero, Uxía, Leilia, Luar na Lubre, Sondeseu, Fuxan os Ventos, Treixadura, Milladoiro, Bonovo, Emilio Rúa e Berrogüeto.