Colaboración entre Santiago e a Costa da Morte

O presidente da Asociación de Profesionais de Turismo da Costa da Morte, Manuel Pan, e o presidente da Asociación de Empresarios de Hostelería de Santiago, Jesús Sordo, acordaron establecer canles de colaboración para atraer turistas a ambos destinos. Pan e Sordo abordaron a necesidade de aproveitar que ambos territorios son punto final de peregrinación.

A raíz desta colaboración, a información da Costa da Morte será distribuída en Compostela, entre outros puntos, na caseta instalada no aeroporto.