As primeiras xornadas do Fórum Gastronómico de Santiago, abertas ao público en xeral, conseguiron encher o recinto feiral de Amio. A atractiva oferta do programa atraeu o interese de centos de persoas que percorreron a parte expositiva, coñecendo as últimas novidades en materia de alimentación e preparación de produtos, e participaron activamente nas diferentes catas, degustacións e actividades divulgativas que se celebraron. Paralelamente, noutros lugares de Santiago, como o Parador ou o Museo do Pobo Galego, seguen celebrándose actividades relacionadas coa gastronomía, que teñen como obxectivo achegar esta arte a todo o público, pequenos e maiores, entendidos ou profanos na materia.
Este luns comezan as xornadas orientadas a un público máis profesional, con diferentes talleres e charlas ás que está previsto que asistan cociñeiros de sona internacional como Jaques Maximin, Jordi Butrón, Dominique Roujou ou Ferrán Adriá, que estará este luns pola tarde.
Este luns comezan as xornadas orientadas a un público máis profesional, con diferentes talleres e charlas ás que está previsto que asistan cociñeiros de sona internacional como Jaques Maximin, Jordi Butrón, Dominique Roujou ou Ferrán Adriá, que estará este luns pola tarde.