O Camiño viaxa por Europa a través dos contos

“Os Contos do Camiño” levará a 25.000 nenos e nenas de España, Portugal e Francia diversas actividades culturais e de animación á lectura co obxectivo de difundir as distintas rutas xacobeas. O programa integra lectura, a recuperación do patrimonio inmaterial, as artes plásticas e a música.

Así, entre xaneiro e xuño celebraranse diferentes obradoiros de creación e animación, ademais de contacontos, nas cidades de Évora, Burdeos, Óbidos, Madrid e Santiago.