Samos contará cun novo albergue privado

O vindeiro ano 2010, a localidade de Samos contará cun novo albergue privado para peregrinos, que contará con 58 prazas. O establecemento ubicarase nun céntrico edificio, moi próximo ao Consistorio. Así, esta localidade do Camiño Francés disporá dun novo establecemento para aloxar aos milleiros de peregrinos que se estima poderán elixir esta ruta.

O local disporá de cuartos de entre catro e doce camas, con recepción, salón-comedor e baño adaptado a persoas con algunha discapacidade. O proxecto supón un investimento próximo aos 200.000 euros.