Baiona agarda milleiros de persoas na II Festa da Lura

A localidade pontevedresa de Baiona celebrará, os días 7 e 8 de novembro, a segunda edición da Festa da Lura, na que se distribuirán o dobre de racións que o ano pasado. O programa inclúe, como novidade, un concurso de receitas con calamares para restaurantes. Os asistentes poderán degustar a lura en empanada, guisada, encebolada ou con arroz por cinco euros a ración.